Хорвоо дэлхийн юмс үзэгдлийг эмэгтэй хүн, гоё сайхан байдал, гоо үзэмжгүйгээр төсөөлөхийн аргагүй байдаг. Тиймдээ ч гоо сайхан ертөнцийг аварна хэмээсэн биз. Эх орондоо өөрийн нэрийн бүтээгдэхүүнийг үйлдвэрлэн, дотоодынхоо хэрэглэгчдийн хэрэгцээ шаардлагыг мэдэрч түүнийгээ ажил хэрэг болгож буй Монгол үйлдвэрлэгчид нэмэгдсээр байгаа нь сайшаалтай.Гоо сайхны үйлдвэрлэлд ГОО брэнд түүчээлнэ Манай улс амынхаа тооноос хорь дахин илүү мал сүрэгтэй хэмээдэг. Түүнээс хорин сая нь хонь байдаг. Энэ ч үүднээсээ хонины сүүлэнд агуулагддаг давуу шинж чанарыг судлан тодорхойлсны дүнд Гоо брэндийн эхлэл тавигдсан байна. Гоо сайхны органик бүтээгдэхүүн үйлдвэрлэлд анхдагч хэмээж болох Гоо брэндийг М.Гонгорсүрэн хэмээх залуухан бүсгүй үүсгэн байгуулсан юм.